काठमाडौं । नेकपा (माओवादी केन्द्र)का पोलिटब्ययुरो सदस्य श्रीप्रसाद जवेगु नेकपा (एमाले)मा प्रवेश गरेका छन् । पार्टीमा जिम्मेवारीविहीन भएपछि आफू नेकपा एमालेमा प्रवेश गरेको जवेगुले बताए ।
संविधानसभा सदस्य तथा पूर्व राज्यमन्त्री जवेगु एकताअघि माओवादी केन्द्रको पोलिटब्युरो सदस्य थिए । तर, एकतापछि उनलाई कुनै जिम्मेवारी दिइएको थिएन ।
‘पार्टी एकतापछि पर्खेर बसियो, तर कुनै जिम्मेवारी दिइएन,’ उनले भने, ‘जिम्मेवारीविहीन भएर बसिरहन मनले मानेन ।’
जवेगु दोस्रो संविधानसभामा माओवादीको तर्फबाट समानुपातिक सभासद भएका थिए ।
