नेकपा एमालेका अध्यक्ष केपी शर्मा ओलीले बोलाएको संसदीय दलको बैठकमा उपस्थित हुन बालुवाटार माधव नेपाल पक्षका सांसदहरूलाई बीच बाटाेबाटै फर्काइएकाे छ ।

 सांसद जीवनराम श्रेष्ठका अनुसार बालुवाटार बैठकमा उपस्थित भई हस्ताक्षर गरेर फर्किने गरी सानेपाबाट निस्केका भए पनि बाटोबाटै फर्किनु परेका हुन् । फागुन २८ गते अध्यक्ष ओलीले एकलौटी ढंगले केन्द्रीय कमिटी पुनर्गठन, पदाधिकारी खारेज, नेताहरुको जिम्मेवारी हेरफेर र महाधिवेशनको मिति तोकेपछि नेपाल समूहले छुट्टै राष्टि्य भेलाकाे आयोजना गरेकाे छ ।

प्रधानमन्त्री निवास बालुवाटारमा बिहान ११ बजेका लागि संसदीय दलको बैठक बोलाइएको थियो । उक्त बैठकमा भाग लिन जाँदै गरेका सांसद बाटोबाटै फर्केर खनाल-नेपालले ललितपुरको सानेपामा आयोजना गरेको राष्ट्रिय भेलामै उपस्थित भएका छन्।