काठमाडौ ।गण्डकी प्रदेशमा वैशाख २७ मा मुख्यमन्त्री पृथ्वी सुब्बा गुरुङविरुद्ध दर्ता भएको अविश्वासको प्रस्तावमाथि मतदान हुने भएको छ ।
यसअघि सांसद सम्पर्कविहीन भएपछि स्थगित भएको मतदान कार्यक्रम संघमा प्रधानमन्त्री केपी शर्मा ओलीले विश्वासको मत लिने दिन नै हुन लागेको हो ।
सो बैठक सत्तारुढ नेकपा एमालेले २८ र विपक्षी दलहरुले २६ गते बस्नुपर्ने बताएपछि सभामुखले २७ गते प्रस्ताव गरेका हुन् ।
१५ वैशाखमा अविश्वासको प्रस्तावमा मतदान गर्ने कार्यसूची थियो । तर राष्ट्रिय जनमोर्चाका सांसद खिमविक्रम शाही अनुपस्थित भए । जनमोर्चाकी सचेतक पियारी थापाले बैठक रोक्न माग गर्दै निवेदन दिएपछि सभामुखले सूचना टाँसेर अर्को सूचना नभएसम्मका लागि बैठक स्थगित गरेका थिए ।
