नक्कली परिचयपत्र बनाएर ‘पत्रकार हुँ’ भन्दै हिँड्ने एक जनालाई ट्राफिक प्रहरी महाशाखाले पक्राउ गरेको छ । धादिङको नीलकण्ठ नगरपालिका घर भई हाल गोलढुंगा बस्ने २६ वर्षीय सुजन श्रेष्ठलाई काठमाडौं नयाँ बसपार्कबाट पक्राउ गरिएको हो । 

प्र३ ०२ ००६प ५८६१ नम्बर पल्सर मोटरसाइकलमा सवार श्रेष्ठले मनोज खत्रीको प्रेस कार्ड प्रयोग गरी दुरुपयोग गरेको देखिँदा पक्राउ गरी प्रहरी प्रभाग नयाँ बसपार्कमा पठाइएको महाशाखाले जनाएको छ ।

श्रेष्ठले पत्रकार ऋषि धमला सञ्चालक रहेको प्राइम टाईम्स टेलिभिजनको नामबाट बनाइएको नक्कली  परिचयपत्र बोकेका थिए ।