काठमाडौ। अस्वस्थ भई अस्पतालमा भर्ना भएका पूर्वप्रधानमन्त्री तथा नेकपा एमालेका नेता झलनाथ खनालको स्वास्थ्य अवस्था सामान्य रहेको छ ।
स्वास्थ्य अवस्थामा समस्या आएपछि सोमबार बिहान नर्भीक अस्पताल भर्ना भएका उनलाई केहीबे अघि मात्रै आकस्मिक कक्षबाट वार्डमा सारिएको छ । हाल उनको उपचार अक्सिजन सपोर्टमा भइरहेको अस्पतालले जनाएको छ।
नेता खनालको अवस्था सामान्य रहेको र रगत जाँच गर्दा हेमोग्लोबिनको कमी देखिएको अस्पतालको सञ्चार तथा जनसम्पर्क विभागले जानकारी दिएको छ ।
‘उपचारमा संलग्न चिकित्सकहरुकाअनुसार उहाँको लक्षण हेर्दा पोस्ट कोभिडपछिको समस्या हुनसक्ने अनुमान गरिएको छ’ अस्पतालको सूचनामा भनिएको छ ‘आवश्यक जाँच तथा उपचार प्रक्रिया जारी राखिएको छ ।’
