काठमाडौं । नेपाल विज्ञान तथा प्रविधि प्रज्ञा प्रतिष्ठान (नाष्ट) को अध्यक्षमा नेपाल सरकारका सचिव खगराज बराल नियुक्त भएका छन् ।
नाष्टका कुलपति रहेका प्रधानमन्त्री केपी शर्मा ओलीले बराललाई अध्यक्षमा नियुक्त गरेका हुन् । नाष्टको अध्यक्ष पद एक वर्षदेखि रिक्त थियो ।
ओलीले सचिव बराललाई नाष्टको अध्यक्षमा नियुक्त गरेपछि बरालले सचिवबाट राजीनामा दिएका छन् ।
आउँदो साउन २६ गते अनिवार्य अवकाश हुन लागेका बराल प्रधानमन्त्री तथा मन्त्रिपरिषद्को कार्यालयमा सचिवको जिम्मेवारीमा थिए ।
