काठमाडौं । सत्तारुढ दल नेकपा एमालेभित्रको विवाद मिलाउन गठित कार्यदलको बैठक सिंहदरबारमा बसिरहेको छ ।
कार्यदलको बैठक सिंहदरबारस्थित अर्थ मन्त्रालयमा बसेको हो ।
बैठकअघि भीम रावल नेता माधव कुमार नेपाललाई भेट्न नेपाल निवास कोटेश्वर पुगेका थिए । वार्तामा आफ्नो पक्षबाट प्रस्तुत हुने रणनीतिबारे छलफल गर्न रावलले नेपाललाई भेटेको बताइएको छ ।
बैठकमा नेपाल पक्षबाट उपाध्यक्ष भीम रावलको नेतृत्वमा उपमहासचिव घनश्याम भुसाल, सचिव गोकर्ण विष्ट, स्थायी कमिटी सदस्य सुरेन्द्र पाण्डे, र रघुजी पन्त, भीम आचार्यलगायत ६ जना र ओली पक्षबाट सुवासचन्द्र नेम्वाङको नेतुत्वमा उपमहासचिव विष्णुप्रसाद पौडेल, सचिव प्रदिप ज्ञवाली, स्थायी कमिटी सदस्य शंकर पोखरेल, विष्णु रिमाल सहभागी छन् ।
कार्यदलकै पहलमा हिजो (बुधबार) अध्यक्ष ओली र वरिष्ठ नेता नेपालबीच वार्ता भएको थियो । तर, उक्त वार्तामा ठोस सहमति भने हुन सकेन ।
