नेकपा एमालेका अध्यक्ष एवम् निवर्तमान प्रधानमन्त्री केपी शर्मा ओलीले सरकारी निवास छोड्दै गर्दा उनको स्वागतमा एमाले कार्यकर्ताहरू पुगेका छन् । अहिले ओली बालुवाटारबाट काठमाडौंका विभिन्न भोक परिक्रमा गर्दै बालकोट जादैछन् । भारी वर्षाका बाबजुद पनि एमाले भातृसंगठनले मोटरसाइकल र्याली गरेको छ ।
ओली गाडीमा अघि अघि छन् भने ¥यालीले उनलाई पछ्याइरहेको छ । बालुवाटार, दरबारमार्ग, त्रिपुरेश्वर बानेश्वर कोटेश्वर हुँदै बालकोट जाने कार्यक्रम छ । ओलीलाई स्कर्टिङ र स्वागत गर्दै बालुवाटारबाट निजी निवास बालकोटसम्म पु¥याउने एमालेका भातृसंगठनहरुले बताएका छन् ।
२८ असारमा सर्वोच्च अदालतले प्रतिनिधिसभा पुनःस्थापित गर्दै प्रधानमन्त्रीमा शेरबहादुर देउवालाई नियुक्त गर्न परमादेश दिएपछि ओली पदमुक्त भएका हुन् । देउवाले बुधबार पद तथा गोपनीयताको शपथ ग्रहण गर्दै बुधबार साँझ नै कार्यभार सम्हालेका छन् ।
