नेकपाबाट फुटेर बनेकाे नेकपा एकिकृत समाजवादीले वैधता बुधबार पायो । त्यही दिन एमाले अध्यक्ष केपी शर्मा ओलीले बालकोटमा नाचेकाे भिडियो चर्चित भएको छ ।
तर, माधवकुमार नेपालकाे पार्टीले निर्वाचन आयोगबाट पाएकाे पार्टीकाे आधिकारिक मान्यता र केपी ओलीकाे त्यो नाचमा भने कुनै सम्बन्ध छैन।
केपी ओली पत्नी राधिकाको जन्मदिनमा भएको जमघटमा आफैँले लेखेको गीतमा नाचेका हुन् । राधिकाको जन्मदिनको अवसरमा ओली निवासमा बुधवार बेलुकी कार्यकर्ताको जमघट भएको थियो।
कार्यकर्ताले ओलीलाई नाच्न आग्रह गरेपछि ओलीले नकार्न नसकेर गीतको तालमा केहीबेर छमछम नाचेका हुन्। उक्त नाच अहिले फेसबुकमा चर्चित छ।
