सदनका प्रमुख प्रतिपक्षी नेकपा एमालेले निरन्तर अवरुद्ध गरेको बैठक सहज बनाउन सभामुख अग्नि सापकोटाले सोमबार आयोजना गरेकाे सर्वदलीय बैठक बिनानिष्कर्ष सकिएको छ ।
संसदमा अवरोध गर्दै आएको एमालेनै सहभागी नभएपछि संसद भवन बानेश्वरमा झण्डै साढे २ घण्टा बसेको बैठकमा कुनै सहमति जुटेन । नेताहरुले भने सभामुख सापकोटालाई पुनः प्रतिपक्षसँग वार्ता र संवाद गरेर निकास खोज्न सुझाव दिएका छन् ।
बैठकमा प्रधानमन्त्री शेरबहादुर देउवा, माओवादी केन्द्रबाट पुष्पकमल दाहाल प्रचण्ड, नेकपा एकीकृत समाजवादीबाट माधव नेपाल, जसपाबाट उपेन्द्र यादव, लोसपाबाट महन्त ठाकुर, नेमकिपाबाट प्रेम सुवाल, जनमोर्चाबाट पौडेल, कानूनमन्त्री कार्की सहभागी थिए ।
