सर्वोच्च अदालतमा अब गोला प्रणालीबाट पेसी तोकिने भएको छ ।
आज बिहीबार बसेको फुलकोर्टको बैठकले गोला प्रणालीमा जाने निर्णय गर्दै यस सम्बन्धी कार्यविधि स्वीकृत गरेको हो ।
प्रधानन्यायाधीश चोलेन्द्र शमशेर जबराको राजीनामा माग्दै इजलाश बहिस्कार गर्दै आएका न्यायाधीशहरू समेत बिहीबार फुल कोर्ट बैठकमा सहभागी थिए ।
बैठकले गोला प्रथा प्रणालीसँग सम्बन्धित नियमावली र निर्देशिका स्वीकृत गरेको हो । नियमावली र निर्देशिका राजपत्रमा प्रकाशित भएपछि लागू हुने छ । त्यसपछि न्यायाधीशहरूले मुद्दा हेर्ने समझदारी बनेको छ ।
