काठमाडौं। प्रमुख प्रतिपक्षी दल नेकपा एमालेले सुन तस्करीमा सरकारको उच्च नेतृत्व नै संलग्न रहेको आरोप लगाएको छ ।
च्यासलस्थित पार्टी केन्द्रीय कार्यालयमा आइबार आयोजित पत्रकार सम्मेलनमा प्रचार विभाग प्रमुख राजेन्द्र गौतमले भ्रष्टाचार र सुन तस्करीमा सरकारकै नेतृत्व मुछिएको आरोप लगाएका छन् । साथै, एमाले अध्यक्ष केपी शर्मा ओलीले सुन तस्करीको छानबिन गर्न उच्चस्तरीय छानबिन समिति गठन गर्नुपर्ने पनि बताए । संसदमा प्रतिपक्षी सांसदहरूलाई आफ्नो कुरा राख्न सत्तारुढ सांसदहरू उठेर अवरोध गरेको आरोप लगाए ।
सत्तारुढ दलले संसदीय छानबिन समिति बनाएर यस विषयलाई टुंग्याउने योजना बनाए पनि आफुहरुलाई स्वीकार्य नभएको ओलीले बताए । संसदीय छानबिन कस्तो हुन्छ पोहोरै देखिएको उनको भनाइ थियो । ‘सभापति उनिहरुकै चाहिन्छ, बहुमत उनिहरुकै चाहिन्छ । अनि यो पनि छानबिन गर्नैपर्दैन, त्यो पनि छानबिन गर्नुपर्दैन भन्छ । सुन तस्करीको कहानी नै गलत हो, प्रतिपक्षले बनाएको हो भन्न बेर छैन ।’
