चीनमा गैरआवासीय नेपाली संघ (एनआरएन)को महिला फोरम गठन भएको छ। रन्जिता आचार्यको नेतृत्वमा नौ सदस्यीय फोरम गठन भएको हो ।
नवगठित फोरममा सविता बर्तौला, रश्मी झा, मनिषा शर्मा, जुना ज्ञवाली सदस्य रहेका छन् । त्यस्तै डा. करुणा राई, डा. कृषिता राजलावत, रक्षा संग्रौला र सेरिका सापकोटा कँडेल सदस्य चयन भएका छन् ।
फोरमको सल्लाहकारमा अमृता थापा (कञ्चन) र खुश्बु अग्रवाललाई राखिएको छ ।
एनआरएन चीनका अध्यक्ष सुदेशकुमार झाको उपस्थितिमा महिला फोरम गठन गरिएको हो ।
कार्यक्रममा गैरआवासीय नेपाली संघ हङकङका अध्यक्ष टिका गुरुङ, गैरआवासीय नेपाली संघ मकाउ अध्यक्ष शान्तिदेवी अधिकारी एवं ग्वान्जौस्थित नेपाली महावाणिज्य दूतावासबाट रक्षा पोखरेल सहभागी भएका थिए ।
महिला फोरमले नेपालको दुर्गम गाउँमा सिलाई मशिन पठाउन आफ्नो तर्फबाट पचास हजार रुपैयाँ (तीन हजार युआन) उठाएर कोष संकलनको सुरुवात पनि गरेको थियो ।
