काठमाडौं । पोर्चुगलमा एक नेपालीमा कोरोना भाइरसको संक्रमण भेटिएको छ ।
टाइम २४ डट न्युजका अनुसार पोर्चुगलको फारो नगरपालिकाको कृषि क्षेत्रमा काम गर्ने एक नेपालीमा कोरोना संक्रमण भएको हो ।
पोर्चुगल सरकारले कोरोना संक्रमित ती नेपालीको पहिचान गोप्य राखेको छ ।
सुरुमा नेपालीमा देखिएको संक्रमण त्यहाँका अन्य मानिसमा पनि फैलिएको बताइएको छ ।
प्रवासमा रहेका नेपालीमा कोरोना भेटिएको यो तेस्रो घटना हो ।
यसअघि अस्ट्रेलियामा रहेका १ र यूएईमा रहेका २ नेपालीमा कोरोना संक्रमण पुष्टि भएको थियो ।
