चितवन । भरतपुरको नारायणपुरमा फर्निचर उद्योगमा गएराति देखि आगोलागी भएको छ ।
भरतपुर महानगरपालिका ५ स्थित रोयल फर्निचर उद्योगमा राति करिब १ बजेदेखि आगलागी भएको हो ।
उक्त आगलागी शनिबार बिहानसम्म पनि नियन्त्रणमा आएको छैन ।
आगो लागेको देखेपछि स्थनीयले प्रहरीलाई खबर गरेको थिए । त्यसलगत्तै स्थानीय, प्रहरी तथा दमकल सहित घटनास्थल पुगेर आगो नियन्त्रणमा लिने प्रयास गरेका थिए ।
आगो नियन्त्रणका लागि अहिले स्थानीयसँगै नेपाल प्रहरी, सशस्त्र प्रहरी, नेपाली सेना र पाँच वटा दमकल प्रयोग गरिएको छ ।
बिद्युत सट भएर आगोलागी भएको प्रहरीको प्रारम्भीक अनुमान छ ।
