काठमाडौं । मौसम पूर्वानुमान महाशाखाका अनुसार, हाल नेपालमा उल्लेखनीय मौसमी प्रणाली छैन ।
अहिले (सोमबार बिहान) देशका अधिकांश पहाडी स्थानमा आंशिक बदली र केही स्थानमा तुवालो लागेको छ।
आज दिउँसो देशका पूर्वी र मध्यका पहाडी भूभागमा आंशिक देखि सामान्य बदली र बाँकी भूभागमा आंशिक बदली रहने छ। पूर्वी र मध्यका पहाडी भूभागका एक–दुई स्थानमा हल्का वर्षाको सम्भावना छ ।
त्यस्तै आज राति देशका पूर्वी र मध्यका पहाडी भूभागमा आंशिक देखि सामान्य बदली र बाँकी भूभागमा आंशिक बदली रहने छ। पूर्वी पहाडी भूभागका केही स्थानमा हल्का वर्षा हुन सक्ने महाशाखाले जनाएको छ ।
