वीरगंज महानगरपालिका ९ स्थित एक किराना पसलमा भीषण आगलागी भएको छ । बिटु किराना तथा होलसेल नाम गरेको पसलमा आगलागी हुँदा पसलमा रहेका सबै सामान जलेर नष्ट भएका छन् ।  

आज दिउँसाे करिब डेढ बजेतिर आगलागी भएको हो । पसल वीरगन्ज माईस्थान मन्दिरको दक्षिण गल्लीमा रहेको छ । पसलमा घिउ, तेल, चामल लगायत प्रज्वलनशील वस्तु रहेका कारण आगो निभाउन समस्या भएको पसल सञ्चालक मनोजकुमार गुप्ताले बताए ।

आगलागी नियन्त्रणमा ठूलो संख्यामा नेपाल प्रहरी र स्थानीय परिचालन भएका थिए ।  के कारणले आगलागी भएकाे हाे त्यसबारे थाहा नभइसकेकाे प्रहरीले जनाएकाे छ ।