काठमाडौं । विराटनगरबाट काठमाडौं आएकालाई नागढुंगाबाट फिर्ता पठाइने भएको छ ।
विराटनगरबाट काठमाडौं आउँदै गरेका करिब ६० भन्दा बढीलाई गन्तव्यतर्फ फर्काउने तयारी भएको हो ।
सोमबार बिहान विराटनगरबाट आएकाहरुलाई फिर्ता पठाउने तयारी महानगरीय प्रहरी कार्यालयले जनाएको छ ।
महनगरीय प्रहरी कार्यालय रानीपोखरीका डीआईजी विश्वराज पोखरेलले भने, ‘उपत्यकाबाट भित्रिन र बाहिरिन पूर्णरुपमा रोक लगाइएको छ ।बसमा आएका उनीहरुलाई सम्बन्धित क्षेत्रमै फिर्ता पठाउने गरी छलफल भइरहेको छ,’ उनले भने, ‘धादिङतिर बसबाट झरेर हिँडेर आएका रहेछन् । सबैलाई नागढुंगा नाकामा होल्ड गरेका छौँ ।’
