लहान । सिरहाको लहानमा एक पुरुषको शव फेला परेको छ ।

टाउको काटिएको अवस्थामा लहान नगरपालिका–१७ निवासी करिब ४० वर्षीय पुरुषको शव मंगलबार बिहान फेला परेको प्रहरीले जनाएको छ ।

घरदेखि ५५ मिटरको दूरीमा (उनकै बारीमा) टाउको काटिएको अवस्थामा शव फेला परेको इलाका प्रहरी कार्यालय लहानले जानकारी दिएको छ ।

प्रहरीका अनुसार, उनको सोमबार राति हत्या भएको आशंका छ । 

उनको हत्या कसले र किन गर्‍यो विषयमा अनुसन्धान भइरहेको प्रहरीको भनाइ छ ।