कपिलवस्तु जिल्लाको विजयनगर गाउँपालिकाका स्वास्थ्यकर्मीले क्वारेन्टाइनमा बसेकाहरूको पाँच मिटर टाढाबाटै तापक्रम चेकजाँच गरेका छन् । वडा नं ४ मा रहेको शंकरपुर आधारभूत विद्यालयको क्वारेन्टाइनमा बसेकाहरूको ५ मिटर परैबाट बुधबार तापक्रम लिइएको हो ।
उनीहरुले इफ्रारेड थर्मोमिटर थर्मल गन पाँच मिटर टाढाबाटै प्रयोग गरी तापक्रम लिएका हुन् । क्वारेन्टाइनमा बस्नेहरू भारतबाट आएका हुन् । स्थानीय प्रकाश रन्जनका अनुसार स्वास्थ्यकर्मीले ५ मिटरभन्दा धेरै दूरी लिएर तापक्रम लिएका थिए ।
स्वास्थ्यकर्मीलाई नजिकबाट तापक्रम लिन आग्रह गरे पनि कोरोना संक्रमण हुन सक्ने भन्दै टारेका थिए । स्वास्थ्यकर्मीले भने पिपिई प्रयोग गरेका छन्। यस विषयमा वडा अध्यक्ष तिलक कँडेलसँग सोधपुछ गर्दा आफूलाई त्यो विषयमा जानकारी नभएको र यथार्थ बुझ्न स्वास्थ्यकर्मीलाई बोलाएको बताए।
यता, विजयनगर नगरपालिकाका स्वास्थ्य शाखा प्रमुख वाई पि अधिकारीले यस विषयमा स्वास्थ्यकर्मीलाई सचेत गराइसकेको र गल्ती दोहोरिन नदिने बताएका छन् ।
