काठमाडौं । नेपालमा आज (शुक्रबार) २७८ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. विकास देवकोटाले देशभर थप २७८ जनाको पीसीआर रिपोर्ट पोजिटिभ आएको जानकारी दिएका हुन् ।
योसँगै नेपालमा कोरोना संक्रमितको संख्या दुई हजार ९१२ पुगेको छ ।
कूल संक्रमितमध्ये २ हजार ७१७ पुरुष र १९५ जना महिला रहेका छन् ।
यसैबीच, देशभरका विभिन्न अस्पतालबाट आज ४३ जना कोरोनामुक्त भएर भएर घर फर्किएका छन् ।
अहिलेसम्म ६८ जिल्लामा कोरोना भाइरसको संक्रमण देखिएको स्वास्थ्य मन्त्रालयले जनाएको छ ।
