काठमाडौं । पछिल्लो २४ घण्टामा नेपालमा थप १६ जना कोरोना संक्रमित उपचारपछि निको (कोरोनामुक्त) भएर घर फर्किएका छन् ।
योसँगै कोरोनालाई जितेर घर फर्कनेको संख्या ८७७ पुगेको स्वास्थ्य मन्त्रालयले जानकारी दिएको छ ।
घर फर्कनेमध्ये ७८६ पुरुष र ९१ जना महिला रहेको स्वास्थ्य मन्त्रालयका प्रवक्ता प्रा.डा. जागेश्वर गौतमले जानकारी दिए ।
गौतमका अनुसार, देशभर अहिलेसम्म १ लाख २१ हजार ८ सय ६२ जनाको आरटीपीसीआर विधिबाट परीक्षण गरिएको छ ।
पछिल्लो २४ घण्टामा पाँच हजार ९०९ जनाको परीक्षण गरिएको स्वास्थ्य मन्त्रालयले जनाएको छ ।
यसैबीच गएको २४ घण्टामा नेपालमा ४४८ जना कोरोना संक्रमित थपिएका छन् ।
