काठमाडौं । सोलुखुम्बुको महाकुलुङ गाउँपालिका ४ मा आफ्नै बुबाकाे हत्या गरेकाे अभियोगमा १९ वर्षीय कुवेर राईलाई प्रहरीले प्रक्राउ गरेको छ ।
जिल्ला प्रहरी कार्यालय सोलुखुम्बुका प्रहरी निरीक्षक महेन्द्र दर्नालका अनुसार विहीबार राती घरायसी विवाद हुँदा आगो फुक्ने ढुङ्ग्राले प्रहार गरि कुबेरले ५७ वर्षीय बाबु सन्त कुमार राईको हत्या गरेकाे हाे । घटनाका सम्बन्धमा थप अनुसन्धान भइरहेको प्रहरीले जनाएको छ ।
त्यस्तै सोलुदुधकुण्ड नगरपालिका ८ सिकारी डाँडामा ट्रक दुर्घटना हुँदा चालकको ज्यान गएको छ । विराटनगरबाट सोलुखुम्बु आउँदै गरेको ना २ ख ८८४३ नम्बरको ट्रक शुक्रबार अपरान्ह दुर्घटना हुँदा चालकको घटनास्थलमै मृत्यु भएको जिल्ला प्रहरी कार्यालय साेलुखुम्बुले जनाएकाे छ ।
उदपयुरको कटारी नगरपालिका ११ बासबारीका अन्दाजी २९ वर्षीय गोपाल परियारको ज्यान गएको जिल्ला प्रहरी कार्यालय सोलुखुम्बुका प्रहरी निरीक्षक महेन्द्र दर्नालले जानकारी दिए ।
