काठमाडौं । अभिनेत्री मनिषा कोइरालाले सरकारविरुद्ध युवाहरुले गरिरहेको प्रदर्शनको विषयमा टिप्पणी गरेकी छिन् ।
प्रदर्शनको टाइमिङमाथि मनिषाले प्रश्न गरेकी हुन् । कम्तीमा आजको दिन सरकारलाई सडकबाट दवाव दिनु (प्रदर्शन गर्नु) उचित नभएको उनको आशय छ ।
संघीय संसदमा आज (शनिबार) देशको नयाँ नक्सालाई आधिकारिकता दिने गरी संविधान संशोधन हुँदैछ ।
त्यसैले आजको दिनमा सरकारविरोधि प्रदर्शन नगर्न सामाजिक सञ्जालमा धेरैले आग्रह समेत गरेका थिए । यसै विषमा मनिषाले पनि आफ्नो विचार राखेकी हुन् ।
सामाजिक सञ्जाल ट्विटरमा मनिषाले लेखेकी छन्, 'टाइमिङमा निश्चितरुपमा प्रश्न उठाउन योग्य छ । मैले सँधै महसुस गरेकी छु कि सरकार पारदर्शी हुनुपर्छ । सरकारले अहिले यति ठूलो कदम चाल्न गइरहेको छ । प्रदर्शनमा किन यसलाई समर्थन थोरै मात्रै मिलिरहेको छ ? आजकै दिन कि उनीहरु सरकारमाथि दवाव दिइरहेका छन् ?'
Baini, I understand but Nepali youth are well informed and educated..I was hoping they would let this day be as for the first time Nepali political parties are standing for nation!! the protest could hv started again tomorrow .. this has definitely put a question in my heart! https://t.co/vy4J8LuBVf
— Manisha Koirala (@mkoirala) June 13, 2020
यसअघि मन्त्रिपरिषदले लिपुलेक, लिम्पियाधुरालाई समेटेर नेपालको नयाँ नक्सा पारित गर्दा मनिषाले त्यसको समर्थनमा ट्विट गरेकी थिइन् । उक्त ट्विटलाई लिएर भारतीय मिडिया मनिषामाथि निकै खनिएका थिए ।
एक साताअघि मनिषा परिवारसहित भारतबाट नेपाल आएकी छन् । नेपाल आएर उनी क्वारेन्टाइन (एक होटल) मा बसिरहेकी छन् ।
