डोटी । डोटीको बडीकेदार गाउँपालिकामा मिनि ट्रक दुर्घटना हुँदा बाबु छोराको मुत्यु भएको छ ।  

गाउँपालिको वडा नम्बर ३ सुनालेकमा से १ ख १२६२ नम्बरको मिनि ट्रक दुर्घटनामा हुँदा दुई जनाको मृत्यु भएको हो ।
 ४० वर्षीय डबल पुन मगर र उनका १३ वर्षीय छोरा धिरज रहेको जिल्ला प्रहरी कार्यालय डोटीले जनाएको छ । ट्रक चालक श्यामलाल चौधरी भने फरार भएको छ । 

घागलबाट धनगढी आउँदै गरेको मिनि ट्रक सोमबार सुनालेक नजिक दुर्घटना भएको हो । ट्रक सडकबाट एक सय मिटर तल खसेको छ । ट्रकमा सवार अन्य हाम फालेर बाँच्न सफल भएका प्रहरीले जनाएको छ ।