काठमाडाैं । ऋषिङ्गाउँपालिका–१ झापुटारस्थित निर्माणधीन तनहुँ जलविद्युत परियोजनाले विरुवा उत्पादन गर्न २६ करोड आर्थिक सहयोग गरेको छ ।
आयोजनाले करिब चार सय १७ हेक्टर वन क्षेत्र सो परियोजनाको जलाशयले डुवानमा पार्ने र एक लाख ८१ हजार विरुवा कटान गर्नुपर्ने भएपछि जलविद्युत आयोजनाले सो आयोजना गरेको हो ।
छुट्टै वृक्षरोपण गर्न साथै २५ गुणाले विरुवा उत्पादन गर्ने उद्देश्यले परियोजनाले सो आर्थिक सहयोग गरेको जनाइएको छ ।
तीन हजार दुई सय चौवन्न हेक्टर क्षेत्रफलमा रोप्न पुग्ने विरुवा उत्पादन गर्न परियोजनाले आर्थिक सहयोग गरेको कार्यालका सहायक वन अधिकृत बाबुराम उप्रेतीले जानकारी दिए ।
परियोजनाले सहयोग गरेको सो रकममध्ये हाल दुई करोडबराबर खर्च भएको छ । उनले भने, यस वर्ष परियोजनाको नौ लाख र गण्डकी प्रदेश सरकारको एक लाख गरी दश लाखको लागतमा विरुवा उत्पादन गरिएको हो ।’
सो रकमले सात वर्षको अवधिसम्म जिल्लामा करिब ५४ लाख विरुवा उत्पादन गर्ने योजना रहेको छ ।
हेर्दा वनजस्तो देखिने, तर आयआर्जन नदिने क्षेत्रमा फँडानी गरेर वृक्षरोपण गर्नका लागि दुई पक्षीय सहमति भएको जनाइएको छ ।
