काठमाडौं । पशुपति क्षेत्र विकास कोषले हाल कार्यरत भट्टहरु हटाउन खोजिएको भनी गरिएको हल्ला निराधार भएको जनाएको छ ।
बिहीबार कोषले एक विज्ञप्ति जारी गर्दै यस्तो बताएको हो ।
कोषका सदस्य–सचिव डा प्रदीप ढकालले आज विज्ञप्ति जारी गरी भट्ट हटाउने सम्बन्धमा नेपाल सरकार, संस्कृति, पर्यटन तथा नागरिक उड्ययन मन्त्रालय र कोषले कुनै सोच नबनाएको बताउँदै यस्तो बताएको हो ।
नेपाल-भारतबीच सदियौँदेखि जनस्तरमा धार्मिक, आध्यात्मिक, सामाजिक र सांस्कृतिक रुपमा रहेको प्रगाढ सम्बन्धलाई धुमिल पार्न लागिपरेका शक्तिले यस किसिमको हल्ला गरेको विज्ञप्तिमा भनिएको छ ।
यस्ता भ्रामक हल्लाका पछि नलाग्न पनि कोषले आम मानिसमा आह्वान गरेको छ ।
