लमजुङमा एकैदिन २२ जना कोरोना भाइरस संक्रमित थपिएका छन् । योसँगै प्रदेशमा जम्मा संक्रमित संख्या १२७८ पुगेको छ ।
स्वास्थ्य निर्देशनालय गण्डकीका अनुसार जिल्लाको मस्र्याङ्दी, दोर्दी, राइनास, दुधपोखरी, बेशीसहर र क्होलासोथरमा गरि २२ नयाँ संक्रमित थपिएका हुन् ।
शुक्रबार मस्र्याङ्दीमा ६ पुरुष, दोर्दीमा ४, राइनासमा ६ पुरुष, २ महिलामा कोरोना संक्रमण पुष्टि भएको हो । यसैगरी, दुधपोखरीमा १ पुरुष, बेशिसहरमा २ र क्होलासोथरमा १ जना पुरुष संक्रमित थपिएका छन् ।
संक्रमित २२ जनाकै परीक्षण पोखरा स्वास्थ्य विज्ञान प्रतिष्ठानको प्रयोगशालमा गरिएको थियो । संक्रमित २२ जनालाई सम्बन्धित जिल्लाको आइसोलेसन कक्षमा लैजाने तयारी भइरहेकोछ ।
आज मात्रै गण्डकीमा ४७ संक्रमित थपिएका छन् । यसअघि स्वास्थ्य निर्देशनालय गण्डकीले तनहुँ र नवलपुरमा गरि २५ संक्रमित थपिएको जानकाी दिएको थियो ।
