धादिङ । धादिङको मलेखुस्थित फुर्केखोला र मलेखुबजार पुल छेउमा पहिरो जाँदा पाँच वटा घर पुरिएको छ ।
पहिरोका कारण पृथ्वीराजमार्ग समेत अवरुद्ध भएको छ ।
सोमबार बिहान आएको पहिरोमा मलेखुका पाँच घर पुरिएका छन् भने एक जना पुरिएको आशंका गरिएको छ ।
घटनास्थलमा प्रहरी पुगिसकेको र पहिरो पन्छाउने काम सुरु भएको बताइएको छ । सर्वसाधरणलाई पहिरो स्थलमा आवत जावत गर्न रोक लगाइएको छ ।
मलेखु फुर्केखोलामा भने माथी डाँडामा खनिएको सडकको लेदो बगेर आउँदा सडक अवस्द्ध हुनुका साथै बजार समेत जोखिममा परेको स्थानीयले बताएका छन् ।
अविरल वर्षाका कारण पृथ्वीराजमार्गको विभिन्न ठाउँ पहिरो गएको छ ।
