काठमाडौं । सोमबार टेकु पुलमुनी सफा ट्याम्पो डुबेको छ । ट्याम्पो चालक आधा भन्दा बढी डुबेको ट्याम्पोमा बसेर तार्न खोजेपनि सफल भएनन् ।
सडकमा बग्ने पानीको निकास थुनिन पुग्दा पुलमुनि रहेको गहिरो सडक खण्डमा पानी जम्न पुग्दा सो टेम्पु डुब्न पुगेको स्थानीय बताउँछन् ।
उपत्यकामा सवारी जाम घटाउन कराडौं खर्चिएर करिडोर सडकहरु बनाइएको छ । तर करिडोर सडकहरु यति कमजोर इन्जिनियरिङमा बनेका छन् कि कतै हिँड्दा पनि टाउको ठोकिने अवस्था छ त कतै वर्षा लाग्यो कि डुबानको समस्या हुन्छ ।
यस्तै उदाहरण हो, बाग्मती करिडोर सडक । यो सडकको टेकु पुल मुनी वर्षायाममा कुनै न कुनै गाडी डुब्छ । गत वर्ष पार्टी बैठकमा हिँडेका नेपाली कांग्रेसका महामन्त्री शशांक कोइरालाको गाडी डुब्यो । तर अझै त्यो सडकको अवस्था सुधार भएको छैन ।
