महोत्तरी जिल्लाको मनरासिस्वा नगरपालिका–१० स्थित नेपाल–भारत सीमामा रहेको नदीमा हाम फाल्दा एक किशोर बेपत्ता भएका छन् ।
जिल्ला प्रहरी कार्यालय महोत्तरीका प्रहरी नायब उपरीक्षक प्रकाश विष्टका अनुसार बेपत्ता हुनेमा स्थानीय अनिल सदाका छोरा १४ वर्षीय बिक्की सदा रहेका छन् । उनी गाउँमै रहेको टेकुना पुलबाट हाम फाल्दा बेपत्ता भएका हुन् ।
साथीहरुसँग नदीमा पौडी खेल्न गएका बिक्की पुलबाट हाम फाल्दा बेपत्ता भई भारततिर बगेर गएको उनका साथीहरुले बताएका छन् । उनको खोजतलाशका लागि नेपालतर्फ नेपाल प्रहरी र सशस्त्र प्रहरी तथा भारततर्फ एसएसबी परिचालित भएका छन् ।
