पाल्पा । अविरल वर्षासँगै आएको पहिरोमा परी पाल्पामा एक जनाको मृत्यु भएको छ ।
रम्भा गाउँपालिका–१ स्थित अर्सेदीका ३० वर्षीय दिनेश अर्याललाई आफ्नै खेतमा आएको पहिरोले बगाएर मृत्यु भएको प्रहरीले जनाएको छ ।
गएरातिदेखि पानी परेका कारण खेतमा भल तर्काउन जादाँ ढुंगासहितको पहिरोमा परी उनको घटनास्थलमै मृत्यु भएको जिल्ला प्रहरी कार्यालयका सुचना अधिकारी मदन गिरीले जानकारी दिए ।
उनलाई पहिरोले बगाएर १० मिटर तल पुर्याएको र घटनाबारे थप अनुसन्धान जारी रहेको प्रहरीले जनाएको छ ।
पाल्पामा वर्षायाम सुरु भएपछि पहिरो तथा बाढीमा परेर ८ जनाले ज्यान गुमाइसकेका छन ।
