काठमाडौं । प्रहरी प्रधान कार्यालय नक्सालमा थप १० जनामा कोरोना भाइरस (कोभिड–१९) संक्रमण पुष्टि भएको छ ।
नेपाल प्रहरी अस्पताल महाराजगञ्जमा गरिएको पिसीआर परीक्षणमा थप १० जनामा कोरोना संक्रमण पुष्टि भएको हो ।
योसँगै प्रहरी प्रहरी प्रधान कार्यालयमा कोरोना संक्रमितको संख्या ८५ पुगेको छ ।
संक्रमित प्रहरीलाई अस्पताल लैजाने तयारी भइरहेको प्रहरी प्रवक्ता एसएसपी कुवेर कडायतले जानकारी दिए ।
यसैबीच, मुलुकभर नेपाल प्रहरीका ३१९ जना अधिकारी संक्रमित छन् । तीमध्ये ११९ जना निको भएर काममा फर्किसकेका छन् ।
