काठमाडौं । डिल्लीबजार कारागारमा रहेका रेशम चौधरीलाई वीर अस्पताल लगिएको छ ।
कैलाली, टीकापुर काण्डका मुख्य अभियुक्त चौधरीलाई खुट्टा सुनिनुका साथै ज्वरो आएपछि अस्पताल लगिएको हो ।
डिल्लीबजार कारागारका जेलर गणेश आचार्यले चौधरीलाई वीर अस्पताल लगिएको जानकारी दिए ।
२०७२ भदौ ७ गते टीकापुरमा भएको घटनामा ७ जना प्रहरीसहित ८ जनाको ज्यान गएको थियो । सो घटनामा संलग्न भएको भन्दै चौधरीविरूद्ध मुद्दा लागेको थियो ।
घटनापछि फरार रहेका चौधरीले सार्वजनिक नभइकनै प्रतिनिधि सभामा उम्मेद्वारी दिई कैलाली क्षेत्र नम्बर १ बाट विजयी समेत भएका थिए ।
२०७५ पुस १९ मा चौधरी कारागार चलान भएका थिए ।
