काठमाडौं । गएको २४ घण्टामा थप ४६४ जनामा कोरोना भाइरस संक्रमण पुष्टि भएको छ ।
थपिएका संक्रमितमध्ये काठमाडौं उपत्यकामा १०६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जाकारी दिएको छ ।
शुक्रबार थपिएका संक्रमितमध्ये काठमाडौंका मात्रै ९२ जना छन् । त्यस्तै ललितपुरका १० जना र भक्तपुरका चार जनामा कोरोना संक्रमण पुष्टि भएको छ ।
नेपालमा कोरोना संक्रमितको कुल संख्या २२ हजार २१४ पुगेको छ । हाल ६ हजार ३३० जना सक्रिय संक्रमित रहेका छन् ।
अहिलेसम्म देशभरमा १५ हजार ८१४ जना डिस्चार्ज भएको मन्त्रालयले जनाएको छ ।
नेपालमा कोरोना संक्रमणबाट ७० जनाको मृत्यु भइसकेको छ ।
