काठमाडौं । नेपालमा पछिल्लो २४ घण्टामा थप ३३८ जनामा कोरोना भाइरस (कोभिड–१९) संक्रमण पुष्टि भएको छ ।

सोमबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले देशभरका प्रयोगशालामा गरिएको परीक्षणमा थप ३३८ जनामा कोरोना पुष्टि भएको जानकारी दिए । आज देशभर ८ हजार ४३२ जनाकाे काेरोना परीक्षण गरिएकाे छ । साथै आजसम्म १६ हजार ४९३ जनाले काेरोना जितेका छन् ।  

योसँगै नेपालमा कोरोना संक्रमितको संख्या २३ हजार ३१० पुगेको छ । प्रवक्ता गौतमका अनुसार, हाल नेपालमा ६ हजार ७३८ जना सक्रिय संक्रमित छन् ।