कालिकोट । कालिकोटको महाबै गाउँपालिका ३ नकुमा पहिरो जाँदा ६ जनाको मृत्यु भएको छ ।

गएराति आएको पहिरोले वडा सदस्य रजबहादुर विष्टको घर पुरिएको बताइएको छ ।

पहिरोले घर पुर्दा वडा सदस्य विष्टका दुई छोरा, दुई छोरी र उनका दाजु डिल बहादुर विष्टका दुई छोरीको मृत्यु भएको हो । 

जिल्ला प्रहरी कार्यालय कालिकोटका अनुसार मृतकहको उनीहरुको सनाखत हुन बाँकी रहेको जनाएको छ ।

घटनास्थलमा उद्धारकार्य जारी रहेको प्रहरीले जनाएको छ ।