काठमाडौं । प्रहरीको नाम लिएर ठगी गर्ने एक जनालाई प्रहरीले नियन्त्रणमा लिएको छ ।केन्द्रीय अनुसन्धान ब्युरो(सिआइबी)को टोलीले धादिङ निलकण्ठ नगरपालिका वडा १४ घर भई हाल काठमाडौं बस्दै आएका ३६ वर्षीय शंकर अधिकारीलाई नियन्त्रणमा लिएको हो ।

उनी आलोचना साप्ताहिकका पत्रकारसमेत भएको खुलेको छ । अधिकारीले 'एक व्यवसायीलाई अख्तियारमा मुद्दा परेको छ । सिआइबीले पक्राउ गर्ने तयारी गरेको छ' भन्दै डर त्रास दिएर पैसा लिएको उजुरी परेपछि नियन्त्रणमा लिएको प्रहरीले जानकारी दिएको छ ।

अधिकारीले सिआइबीका प्रहरी निरीक्षकलाई पाँच लाख रुपैयाँ दिए मुद्दा मिल्ने भन्दै ठगी गर्न खोजेको प्रहरीले जानकारी दिएको छ । घटनाको थप अनुसन्धान भइरहेको छ।