काठमाडौं । परोपकार प्रसूतिगृह थापाथलीका दुई चिकित्सकमा कोरोना संक्रमण पुष्टि भएको छ ।
ऐनेस्थेसिया विभागका कार्यरत दुई जना रेसिडेन्ट चिकित्सकमा कोरोना पुष्टि भएको अस्पताल प्रशासनले जनाएको छ ।
पिसिआर परीक्षणका क्रममा शुक्रबार उनीहरुको रिपोर्टमा कोरोना पोजेटिभ देखिएको थियो ।
उनीहरुसँगै काम गरेको अन्य चिकित्सक तथा कर्मचारीको पिसिआर नै परीक्षण नगरिएकाले जोखिम बढेको अस्पतालका कर्मचारीले बताएका छन् ।
संक्रमित चिकित्सकलाई अस्पतालको आइसोलेसन भवनमा राखिएको छ ।
