बागलुङ । निसीखोला गाउँपालिकामा घर माथिबाट आएको पहिराेले घर पुरिँदा दुई बालकको मृत्यु भएको छ ।
निसीखोला गाउँपालिका-५ बस्ने हिराबहादुर विकका १४ वर्षीय छोरा वीरेन्द्र विक र ६ वर्षीय नाति प्रवेश विकको पहिराेमा पुरिएर मृत्यु भएको हो ।
सोही पहिराेमा परी ५३ वर्षीया दिलसरा विक गम्भीर घाइते भएको प्रहरीले जनाएको छ ।
उनलाई उपचारका लागि बुर्तिबाङ ल्याइएको प्रहरी नायब उपरीक्षक राजेन्द्र रेग्मीले बताए ।
सोही घरमा रहेका अन्य तीन जनाको भने सकुशल उद्धार गरिएको उनले बताए ।
राति २ बजेको समयमा आएको पहिराेले हिराबहादुर विकको घर पुरेको हो ।
मामाघरमा बस्न आएका प्रवेश शुक्रबार साँझ मामासँग छुट्टै कोठामा सुतेका थिए ।
घरमाथिबाट आएको पहिराले घर बगाएको छ ।
