ललितपुर । ललितपुरस्थित पाटन अस्पतालमा कोरोना संक्रमित पुरुषको मृत्यु भएको छ।
आज (मंगलबार) बिहान ३८ वर्षका पुरुषको मृत्यु भएको अस्पतालले जानकारी दिएको छ ।
पश्चिम नवलपरासी रामग्राम नगरपालिका–२ स्थायी घर भएका उनी जिल्लाका कांग्रेस उपसभापति समेत थिए ।
प्रदेश ५ को प्रादेशिक अस्पताल भैरहवामा गत साउन २८ गते उनमा कोरोना पुष्टि भएको थियो ।
युनिभर्सल मेडिकल कलेज रुपन्देहीमा पित्तथैलीको अपरेशन गराएका उनको अपरेशन लगत्तै कोरोनासँग मिल्दाजुल्दा लक्षण देखिएपछि परीक्षण गराउँदा कोरोना पुष्टि भएको थियो ।
विरामीको स्वास्थ्यमा थप समस्या देखिएछि प्रादेशिक अस्पताल भैरहवाले पाटन अस्पताल रेफर गरेको हो ।
उनको शव व्यवस्थापनबारे छलफल भइरहेको अस्पतालले जनाएको छ ।
