सिन्धुपाल्चोक । जुगल गाउँपालिका-२ लिदीमा गएको पहिरोमा परी अकालमा मृत्युभएका परिवारलाई एक-एक लाख रुपैयाँ प्रदान गरिएको छ । जुगल गाउँपालिकाले मृतक परिवारलाई रकम हस्तान्तरण गरेको गाउँपालिका अध्यक्ष होमनारायण श्रेष्ठले जानकारी दिए ।
किरिया खर्चबापत प्रतिमृतक २५ हजार रुपैयाँ र बेपत्ताका परिवारलाई राहतस्वरुप प्रतिव्यक्ति २५ हजार उपलब्ध गराउने गाउँपालिकाको निर्णयबमोजिम नगद रकम पूर्वसांसद सुभाष कर्माचार्यले हस्तान्तरण गरेका हुन् । रकम हस्तान्तरणमा उनी सहित, जुगल गाउँपालिका र इन्द्रेणी परिवार हिँडेर लिदी पुगेका थिए ।
पहिरो प्रभावितलाई प्रतिपरिवार एक लाख २५ हजारदेखि दुई लाख ५० हजार रुपैयाँसम्म प्रदान गरिएको जुगल गाउँपालिकाका अध्यक्ष श्रेष्ठले बताए ।
