हेटौंडा । मकवानपुरको हेटौँडा उपमहानगरपालिकामा कोरोना भाइरस संक्रमणबाट एक व्यक्तिको मृत्यु भएको छ ।
गएराति हेटौँडा उपमहानगरपालिका–१ का ६१ वर्षीय वृद्धको मृत्यु भएको हेटौँडा–४ स्थित आइसोलेशन कक्षका इञ्चार्ज भोला चौलागाईले जानकारी दिए ।
किटजन्य रोग अनुसन्धान तथा तालिम केन्द्र हेटौँडामा रहेको कोरोना प्रयोगशालामा स्वाबको पिसिआर परीक्षण गर्दा उनमा कोरोना संक्रमण पुष्टि भएको हो ।
हेटौँडा वडा नं. १ का वडा अध्यक्ष सविन न्यौपानेका अनुसार मृतक लामो समयदेखि उच्च रक्तचाप र मिर्गौला रोगबाट पीडित थिए ।
यसैबीच, हेटौँडामा कोरोना संक्रमितको मृत्यु भएको यो पहिलो घटना हो ।
