सिरहा । सिरहाको मिर्चैयामा बुधबार मृत्यु भएका एक पुरुषमा कोरोना भाइरस संक्रमण पुष्टि भएको छ । उनी हिँड्दाहिँड्दै एक्कासी बेहोस भएर ढलेका थिए ।
मिर्चैया नगरपालिका–४ कुथनमाका ६८ वर्षीय मृतकको पीसीआर रिपोर्ट शुक्रबार पोजेटिभ आएको हो ।
पछिल्लो समय उनी रुघाखोकी र ज्वरोबाट ग्रसित थिए । कोरोनाको जस्तो लक्षण देखा परेपछि मंगलबार ती पुरुषको स्वाब लिइएको थियो ।
उनको रिपोर्ट आउनु पूर्व बुधबार नै गाउँलेहरुले हिन्दु रितिरिवाजअनुसार दाहसंस्कार गरेका थिए ।
दाहसंस्कारपछि साँझ मृतकको रिपोर्ट पोजेटिभ देखिएपछि गाउँमै त्रासमा छ । दाहसंस्कार गर्ने क्रममा १५० भन्दा बढी मानिस सहभागी भएका थिए ।
यसैबीच, सिरहामा तीन जना कोरोना संक्रमितको मृत्यु भइसकेको छ ।
