वीरगञ्ज । नारायणी अस्पतालको पिसिआर प्रायोगशालामा गरिएको परीक्षणमा थप ६० जनामा कोरोना संक्रमण पुष्टि भएको छ ।

संक्रमितहरु पर्सा, बारा र रौतहटका छन् । संक्रमितमध्ये अधिकांश पर्साको पर्सागढी नगरपालिकाका छन् । 

जिल्ला प्रहरी कार्यालय पर्सामा कार्यरत केही प्रहरीमा समेत कोरोना संक्रमण देखिएको बताइएको छ । संक्रमितको विवरण आउन बाँकी छ ।

जिल्ला प्रशासन कार्यालय पर्साले हरेक दिन बेलुकी मात्रै संक्रमितको संख्या सार्वजनिक गर्न थालेको छ ।