काठमाडौं । अल्का अस्पतालकी कर्मचारी गीता केसीको हत्याको आशंकामा उनकै भतिज पक्राउ परेका छन् । गीताका भतिज निर्मल शनिबार पक्राउ परेका हुन् । 

महानगरीय प्रहरी परिसर, टेकुकाका अनुसार अनुसन्धानका क्रममा उनीहरुबीच अवैध सम्बन्ध रहेको खुलेको छ ।तर, अहिले नै हत्याको कारण यही भनेर खुल्न नसकेको बताइएको छ । 

प्रहरीका अनुसार गीता १७ भदौमा अस्पताल जान्छु भनेर घरबाट निस्किएकी थिइन् । तर उनी अस्पताल नगई निर्मलसँग लेलेको जंगलमा पुगेको  खुलेको छ । प्रहरीका अनुसार सो भेटमा गीताले भतिज निर्मललाई आफू मर्नु न बाँच्नुको स्थितिमा रहेको बताएकी थिइन् ।