झापा । प्रदेश १ को झापालगायत आसपासका जिल्लामा आज (शुक्रबार) बिहान भूकम्पको धक्का महसुस गरिएको छ ।
झापाको बाहुनाँगीस्थित नेपाल–भारत सीमा क्षेत्रलाई केन्द्रविन्दु बनाएर बिहान साढे ९ बजे भूकम्प गएको हो ।
राष्ट्रिय भूकम्प मापन तथा अनुसन्धान केन्द्रका अनुसार सीमा क्षेत्रलाई केन्द्रविन्दु बनाएर पाँच रेक्टर स्केलको भूकम्प गएको हो ।
भूकम्पको धक्का झापासहित पूर्वका अन्य केही जिल्लामा पनि महसुस गरिएको थियो ।
यसअघि २४ गते धादिङ र १९ गते संखुवासभालाई केन्द्रविन्दु बनाएर चार रेक्टर स्केलको भूकम्प गएको थियो ।
