बुटवल । सिद्धार्थ राजमार्ग अन्तरगर्त बुटवल-तानसेन सडकखण्ड अवरुद्ध भएको छ ।
रातभरको अविरल वर्षाका कारण सो सडकखण्डको दर्जनभन्दा बढी स्थानमा पहिरो खसेर सडक अवरुद्ध भएको प्रहरीले जनाएको छ ।
सो सडकखण्डमा पर्ने तिनाउ गाउँपालिकाका बिभिन्न ठाउँमा पहिरो गएका कारण सडक अवरुद्ध भएको ट्राफिक प्रहरी कार्यालय प्रदेश ५ बुटवलले जनाएको छ।
गएरातिदेखि नै चरचरे, पावर हाउस, सिसुवा, पानीमिल, गौडेपुल, सिद्धबाबा मन्दिरलगायतका ठाउँमा पहिरो खसेको बताइएको छ ।
प्रहरीका अनुसार पहिरो हटाउने कार्य भइरहेको । सडक अवरुद्ध हुँदा बुटवल, पाल्पा, गुल्मी, स्याड्जा जाने-आउने सवारी साधन रोकिएका छन् ।
