काठमाडौं । एसिड आक्रमण पीडित चार जनाले रोजगार पाएका छन् । एसिड आक्रमणका तीन युवतीले कुमारी बैंकमा र एक पुरुषले महान्यायाधिवक्ताको कार्यालयमा रोजगार पाएका हुन् ।
कुमारी बैंकले एसिडपीडित दुईजना युवतीलाई उपत्यका र एकजनालाई हेटौंडामा स्थायी रोजगारीको व्यवस्था गरेको छ भने महान्याधीवक्ता कार्यालयले एसिडपीडित नुवाकोटका रामराजा थापालाई रोजगारको व्यवस्था गरेको हो ।
तीनैजनालाई ‘मार्केटिङ अफिसर’को रुपमा बैंकले रोजगारी दिलाएको एसिड अपराधविरुद्ध न्याय, पुुनस्थापना र कडा कानुनका लागि क्रियाशील सामाजिक अभियान्ता उज्ज्वलबिक्रम थापाले जानकारी दिए ।
असोज १ गतेबाटै गणना हुने गरी उनीहरुले रोजगारी पाएका हुन् । बैंकमा सुरुमा एक महिनाको करार र त्यसपछि आवश्यक कानुनी प्रक्रिया पूरा गरेर स्थायी नियुक्ति दिइने छ,’उनले भने ।
