बारा । बसले स्कुटीलाई ठक्कर दिँदा आज साँझ (आइतबार) तीन जनाको मृत्यु भएको छ ।
साँझ ५ बजे जीतपुर सिमरा उपमहानगरपालिका-१ अन्तर्गत पूर्वपश्चिम सडकखण्डमा सो दुर्घटना भएको हो ।
दुर्घटनामा स्कुटी चालक निजगढ नगरपालिका–१० लाल बस्ने २६ वर्षीय तीर्थमान स्याङ्तान, उनकी श्रीमती २३ वर्षीया ज्योति र एक वर्षीय छोराको घटनास्थलमै मृत्यु भएको प्रहरीले जनाएको छ ।
पूर्वपश्चिम सडकखण्डको दुधौरा पुलबाट दुई सय मिटरपूर्व सडकमा निजगढबाट पथलैयातर्फ आउँदै गरेको ना ४ ख ७२४२ नम्बरको बसले पथलैयाबाट निजगढतर्फ जाँदै गरेको प्रदेश नं२(०३)००४ प ४४४२ नम्बरको स्कुटीलाई ठक्कर दिएको थियो ।
बस चालक फरार रहेको र उनको खोजी कार्य भइरहेको प्रहरी प्रवक्ता गौतम मिश्रले जानकारी दिए । दुवै सवारी साधन भने प्रहरी नियन्त्रणमा छन् ।
